قصه كوميديه : الجزء الرابع ..الوهم ٤

.... الجزء الرابع ..

الوهم ٤.

عاش الشاب ميت فى سجلات و دفاتر الحكومه ..و كان مرتاح جدا ...بل انه زور بطاقه شخصيه بأسم شخص اخر و تم اضافه صورته ...و كل ذلك حتى اذا ما قابل اى كمين للشرطه على الطريق يكون فى امان تام ...و قابل اصدقائه فى الغرفه فوق السطوح و بدء الحشيش و الدخان يتصاعد ...و كان احدهم مخنوق بسبب تراكم الديون و المشاكل الماديه ...و قال لهم احنا حاولنا سرقه بنك و لم نسرق مال كثير ...و احنا محتاجين كلنا فلوس ...لازم نحاول نسرق اى حاجه مش شرط يكون بنك ..خزينه صراف فى مصنع او شركه …

فرد احدهم كل الشركات و المصانع حولت المرتبات على البنوك ..و الموظف بيسحب المرتب بالكارت من اى ماكينه فى الشارع ...

فرد شخص اخر احنا عايزين فكرة برة الصندوق و المرة دى لازم تلعب معانا ....فرد احدهم ..احنا لازم نأخذ حقنا من البلد دى ..برة مصر عايز عربيه او شقه تروح البنك تشتريها و تقسط مع البنك ..بضمان وظيفتك لان الحكومه ممكن تسدد بدلا منك ..و لكن الحكومه عندنا تقولك السح الدح امبو ادى الواد لابوه ...و ابوك اخر كلمه قالها قبل ما يموت جعان يا ولاد الكلب ..فرد اخر ...لا الحكومه ربنا يعنيها دايما تقولك ..ما فيش ..ما ممعيش ..ما تلاقيش ...كان على عينى يا ضناى ..ملناش فيه كله شاكب فى راكب . ...احنا بندفع ضرائب فى البلد دى علشان الامن و الامان و الطرق و المستشفيات

…و كل ده احنا مش حاسين بيه ...الشرطه انسحبت بعد الثورة

.و الطرق مليانه مطبات ...و المستشفيات لو الكلاب بتفهم ما تدخلهاش ..مش البنى ادمين ...فقال أحدهم..الحشيش ده مضروب القاعده قلبه غم كده ليه ...فرد اخر ..ده حشيش على ابوه يعمل دماغ فضفضه .....دى فى ناس بتدفع للدكتور النفسنى برة مصر علشان يسمعهم ..احنا هنا بنفضفض و نحشش ..اتنين فى واحد ..فرد اخر لا يا عم ..الحشيش ده.

بيعمل دماغ ما يسطلش ...فعلا يمكن عملوا حشيش خالي من السطل ….

و ضحك الجميع

script async src="https://pagead2.googlesyndication.com/pagead/js/adsbygoogle.js?client=ca-pub-7519727374201004"

crossorigin="anonymous"></script

احنا نسرق خزينه كباريه فتحى خاربها ..ده حرامى و غير مهنته الى قواد ...فرد اخر لا بلاش ده خاربها عنده نسوان من عيله الفخايده مالهاش حل ..البنت ساميه اغتصاب بتلبس جونله ..طولها سبعه سم ..نفسي اعرف بتلبسها ازاى ...رد اخر خاربها عنده بودى جاردات يأكلوا الزلط و هيفرمونا و عندهم سلاح و حراسه اربعه و عشرين ساعه …

فرد اخر احنا نخطف ساميه اغتصاب و بقيه بنات الفخايده ..اللى بيشتغلوا معاها فى الكباريه ....و نطلب فديه من خاربها ...خاربها يقولك اعمل عليهم شربه ...او اعمل بيهم صينيه مكرونه فى الفرن ...لان خاربها عنده كثير فى الشوارع و هيقولنا انا عملتلهم قرار عدم صلاحيه لانخفاض مستوى الدلع و الشغلاعه ...و هاشغل بنات جداد عندى ..و احتمال يبعتلنا جواب شكر على خطفهم حتى لا يصرف لهم مكافأه نهايه الخدمه ..لان الزباين فى المحل زهقوا من اغتصاب و الفخايده ..شوفوا لنا حد نسرقه ..و مع اذان الفجر الذي بدء يأذن قام احدهم و قال ..نقوم نتوضاء يمكن ربنا يكرمنا بفكرة جديده ..و دخل يتوضاء و اخذ يبحث عن دورة المياه ....و لكنه نزل الى شقه ام عبده و دخل حجرة نومها و هى السيده المسنه التى تسكن تحت الشقه التى يحششون بها ..فقامت السيده مفزوعه ..و قد شاهدت شاب يتبول فى غرفتها ..فقالت لها بتعمل ايه يا ابن المجنونه الحقونى يا ناس و بدأت تصوت ..قالها محصور و عايز اتوضاء و اصلى الفجر ..قالتله اخرج بره يا ابن الكلب ..يا ستى و احنا نازلين و طالعين تقعدى تقولى روحوا الجامع صلوا ...و هو انا جاى اتوضاء ....

….

و رقعت بالصوت ليتجمع الجيران و يضربوا الشاب بعدما هربوا كل مجموعه الحشيش اصدقائه خوفا من اكتشاف انهم محششين ... بعدما وجدوه يخرج من غرفه نوم السيده العجوز و هو يربط حزامه و يغلق سوستة

 البنطلون ...و يقول لهم الوليه دى مالها ...انا داخل افك زنقتى و اتوضاء و اصلى ..وبعد ضرب الجيران وهم يقولون داخل تغتصب ست اقد امك يا واطى ..وهو يقول انا اداخل اتوضاء يا جماعه... ..يا كفرة انا عايز اصلى الفجر..نسيتوا ربنا ...و الضرب مستمر فى جميع انحاء جسمه من الجيران ....

script async src="https://pagead2.googlesyndication.com/pagead/js/adsbygoogle.js?client=ca-pub-7519727374201004"

crossorigin="anonymous"></script

و طبعا هرب اصدقائه كلهم ما عدا صاحب الشقه التى يحششون فيها ...و دخل شقته و اغلق على نفسه بابه ....و بعد الضرب المبرح قالوا الجيران للسيده المسنه ..ده محشش يا حاجه ..و هى تقولهم دخل ازاى و فتح الباب الشقه ازاى و كان جاى عند مين ده من برة العمارة ..قالوا لها انتى اكيد نسيتى تقفلى الباب بالترباس ...و اتصل صاحب الشقه بأصدقائه ليقول لهم ان الشقه مغلقه امامهم لمده اسبوع على الاقل ...لان الحاجه ام عبده فرضت حظر التجول فى العمارة ..و بتشك فى انا اللى دخل عندها صاحبى و انه بيسهر دايما معاى ..وجابت كرسي و فتحت باب شقتها و قاعده امامها ..و كل ما تشوفنى تقول ..انا قاعده لابن الكلب ده هاكله بسنانى لما اشوفه ..و انا عامل من بنها .....

و ظلت ام عبده جالسه امام باب شقتها ..و الستات جيرانها يقولون لها ...ادخلى شقتك و انسي يا ام عبده ..و ترد ابدا لن اتركه حتى اخذ حقى منه ...و كان سيدتان تصعد السلم فوجدوها

...فسلموا عليها و تركوها ..و قالوا لبعضهم بصوت خافت ...مش هاتقوم و تقفل بابها عليها هى عايشه فى دور ليلى علوى فى قبضه الهلالى ..و ترد السيده الاخرى لا دى هند رستم فى صراع فى النيل ...و عينيها وحشه جايبه لوحش الكون جوزى كيلو ملوخيه و فرختين علشان يظبط الاداء .. شافتنى ...تقولى الملوخيه مفيده ما فيش كلام ...الليله اضربت و طلبوا الوحش فى الشغل ...بقيت ادعى عليها ..الله يخرب بيتك يا ام عبده وبيت عينيك .....و اضطر جمعيه اصدقاء الحشيش نقل مقرها الى غرفه فوق احد الاسطح لزميل لهم يعمل سباك ...حتى يتجنبوا هجوم ام عبده بعدما تطور موقفها و احضرت سكين حتى اذا ما رأت الشاب الذي دخل الشقه عليها ...تخلصه من حياته و تريح البشريه منه حسب اخر تصريح لها .

..script async src="https://pagead2.googlesyndication.com/pagead/js/adsbygoogle.js?client=ca-pub-7519727374201004"

crossorigin="anonymous"></script

و بدأت قعده الحشيش ..وقال لهم صاحب الغرفه ...السطوح هنا واسع و نص العمارة مسافرين نص فى الخليج و النص الثانى فى امريكا و كندا و ما فيش ام عبده...فقال احدهم ..يجعل كلامنا خفيف عليها لتطلعلنا و احده زيها هنا.... .بس خلى بالكم من المعلم سيد الجزار فى الدور الثالث ..و انتو نازلين او طالعين ..فقال له كان لازم نذبح حاجه فى افتتاح المقر الجديد ...فقال له غالى و الطلب رخيص دقيقتين و اعملك اللى انت عايزه ...و غادر الغرفه و امسك بحمامتين كانوا موجودين على شباك السلم الخارجى ....و صعد بهما الى الغرفه ...و طلب منه سكين و ذبحهما ....و الكل يضحك بعدما الحشيش بدء يلعب لعبته ...و قال لصاحب الغرفه ضعهم عندك و نضفهم و كلهم بكرة ....ورجع الشباب الى النقاش حول كيفيه سرقه اى شئ حتى يبدأون بها حياتهم ....و قال لهم قاتل الحمامتين ....انا عندى فكرة مش عارف هتوقفوا عليها و لا لا.....

الجمعيه الخيريه بتاعه نائب مجلس الشعب سيد الملقاط .....فرد احدهم ...هما فعلا بيلموا فلوس كثيرة ...و بيطلعوا مصالح منها ..فرد اخر هنسرق فلوس الغلابه ....فرد اخر ..يا اخى ما احنا اغلب من الغلب نفسه ..احنا كلنا مش عارفين نتجوز ...لا عارفين نجيب شقه و عفش و شبكه ..و بالتالى احنا يجوز علينا الزكاة....فرد اخر ..بس دول بيلموا الفلوس و يوزعوها على الغلابه و الايتام ...ياسيدى يعتبرونا ايتام ...اقل شقه ب ٢٥٠ الف جنيه و اقل عفش ١٠٠ الف جنيه و قول شبكه ١٠ الاف جنيه ..و احنا فى ٢٠١٤ مش لاقيين نأكل و المرتب و احنا ما اتجوزناش بيخلص يوم ٢٠ . هنعمل ايه ..قال اخر ...انا عارف عم رشوان الونش بواب الجمعيه ...فقال اخر ..الراجل ده فعلا عامل زى الونش طول بعرض ذراعه زى اى فخده و احد فينا ...انا عارفه هما بيحتاجوا سباك للجمعيه يتصل بي ....و انا بأقعد معاه على القهوة كثير...و الجمعيه جيبالوا فرد مرخص ..و هو اساسا نظره ضعيف ..يعنى هيسمع اى صوت هيضرب نار على طول .................................

script async src="https://pagead2.googlesyndication.com/pagead/js/adsbygoogle.js?client=ca-pub-7519727374201004"

crossorigin="anonymous"></script

. و الحشيش كان قليل... خذوا قعدتهم و نزلوا و هما نازلين ..لاقوا باب شقه المعلم سيد ...مفتوحه و فيه عفش نازل ..قال احدهم حلو سيد بيعزل ..احنا نسلم عليه و نشيل معاه العفش علشان ما يشكش ان احنا محششين....فقال احدهم بصوت عالى مساء الخير يا معلم سيد ..فخرج لهم المعلم مساء النور ..احنا شوفنا باب الشقه مفتوح قولنا نطمن ..لا انا بنقل عفش بنتى دخلتها الخميس الجاى ..المنطقه كلها معزومه على الفرح ...الف مبروك يا معلم ..شاورلنا على العفش علشان ننزله يا معلم ..يا جماعه الرجاله موجوده ما تتعبوش نفسكم ..

لا ازاى يا معلم الفرح فرحنا و بنتك اختنا ....طب شيلوا ايدكوا معانا ...و هما نازلين عاملين يقولوا الله يا خرب بيتك يا سيد و بيت بنتك ..و العفش ده ماله ثقيل كده ليه ..النجار عاملوه حاجه عموله ما فيش بعد كده ...

و بعد نزول اخر قطعه شكرهم المعلم ..و قال لاحدهم خد الباب فى ايدك يا بنى و انت نازل ..و بعدما نزل كل المجموعه ..سمعوا صوت صويت من زوجه المعام ....الحق يا معلم باب الشقه اتسرق ..و لاقوا زميلهم شايل باب الشقه ..و المعلم سيد شايل سكينه و بيجرى وراه... و هو يجرى بالباب ..و يقوله مش انت قولتلى خذ الباب فى ايدك ..و المعلم سيد يقوله اقف يا ابن المسطوله .....و بعد عده ايام و بعد تهدئه المعلم سيد وعوده باب الشقه الى شقته وصباينه الذين اصروا على تعليق الحرامى من وجهه نظرهم على باب المحل ..

script async src="https://pagead2.googlesyndication.com/pagead/js/adsbygoogle.js?client=ca-pub-7519727374201004"

crossorigin="anonymous"></script

ذهب الشاب الى القهوة للاتفاق مع حارس الجمعيه رشوان الونش ..و جلس معه و اتفقا على دفع ١٥٠٠ جنيه لسرقه الجمعيه بعدما اقنعه ..انه فقير و محتاج فلوس و ان امه محتاجه عمليه فى القلب ..و ان رشوان هو الاخر محتاج الفلوس ..و اتفقا على تسلم المبلغ بعد اتمام السرقه ...و لكن نادى عليه القهوجى ..و قال له انت عايز رشوان فى خناقه ..قاله لا يا عم انا قاعد معاه لانه بيجبلى شغل فى الجمعيه. قال له القهوجى ..خلى بالك عنده زهايمر .بتوع الجمعيه بيقولوا كده عليه ..فقال له ايه الزهايمر ده مرض معدى ..فقال القهوجى كعب رجله دايما بيوجعه من كثر اكل الفول ..فرد انا بقول ده صحته زى الحديد ..زهايمر مش زهايمر ..المهم المصلحه اللى معاه تخلص ...يبقى يحط رجله فى مياه و ملح هتأكل الزهايمر اللى بتقول عليه ده .

رجع الى اصدقائه بعدما اتفق مع رشوان الونش ...و قال لهم اتفقت معاه و خلصت ..بس احنا محتاجين حد يفتح خزن ..لان خزينه الجمعيه ..اكيد من النوع المصفح ..فرد اخر احنا نشيل الخزنه و نجايبها هنا ..و نفتح احنا براحتنا ....و انا عندى فرد خرطوش هاجيبوا معايا ...ما حدش يضمن الظروف ...حكم قيراط حظ و لا فدان شطارة ...و عمليه البنك اثبتت انكم الماده الخام للفشل ...

script async src="https://pagead2.googlesyndication.com/pagead/js/adsbygoogle.js?client=ca-pub-7519727374201004"

crossorigin="anonymous"></script

و فى يوم ليلا ذهب الشباب الى الجمعيه الخيريه ..و ان رشوان الونش حسب الاتفاق معهم يكون نايم و بعد السرقه يقول ان الحراميه اخذوا سلاحه و تم تهديده بالقتل ...و كان رشوان الونش مستغرق بالنوم لانه طول اليوم . كان يساعد فى وضع عفش قديم تم التبرع به على سيارات نقل الجمعيه لبيعه ..و دخل الشباب يبحثون عن الخزنه ..ففتح احدهم غرفه فوجد سيده نائمه و بجوارها ..مجموعه من الفجل و الجرجير و البصل ..فقال مش ممكن فتحيه بقدونس ..فقامت مفزوعه يا خرب بيتك ..انت ايه اللى جابك هنا ..ايه بقدونس بتعملى ايه هنا

.انا مؤجرة و دى حجرتى و بنام فيها ...فقال لها انتى بتشتغلنى ...هى الجمعيه الخيريه بتأجر غرف ...لا و انت الصادق انا بدفع لرشوان الونش . ...كنت اسافر البلد كل يوم انا و البضاعه بتاعتى و اتبهدل لحد ما اتفقت مع رشوان الونش ... اديله ١٢٠٠ ج فى الشهر و يخلينى انام هنا ...ربنا يكرمه رشوان رحمك من البهدله ..و من غير ميعاد انا هاموت عليكى ..انا بشوفك مواسير قلبى بتنقط ..و انا اصلى و كفاءة ...فردت

.انت جاى تركب كوع حوض... فى الحلال يا كومبليشن ...حلال ايه يا بنتى بس ...الحرام مافيش احلى منه ...الحلال يعنى الناس تعرف انى متجوزك ...و طب فيها الناس تعرف ناقصه ايد و لا رجل ...يا بقدونس و كباب قلبى انا جدى الصول سيد حكمدار قسم شبرا سنه ستين كان بيقبض ٦ جنيه ايام الجنيه المصري اغلى ما الجنيه الذهب و عنده بيت ملك .. ...الناس تقول عليا ايه اتجوزت فتحيه بقدونس بياعه الفجل و الجرجير وصومت صومت و فطرت على بقدونس ...فصرخت فيه اطلع برة يا ابن الكلب ....فجاء اصدقاءه و صحى رشوان الونش من نومه مفزوعا ....

script async src="https://pagead2.googlesyndication.com/pagead/js/adsbygoogle.js?client=ca-pub-7519727374201004"

crossorigin="anonymous"></script

و جاء رشوان جاريا و امسك بكومبليشن من قميصه و كانت يديه مثل كلابشات حديد ...و هو يقول فيه ايه يا رشوان. ...قاله جايب بنت و جاى تنجس الجمعيه الخيريه يا كلب ...فردت بقدونس ..اتعدل فى كلامك يا رشوان يا ونش ..انا اشرف من الشرف ....و بأدفعلك كل اول شهر ..فقال لها رشوان ..اخرسي انا اول مرة اشوفك فى حياتى ...يا نهار ابوك اسود ...و مين اللى انت جايبها معاك دى ..رد كومبليشن ..احنا اتفقنا على القهوة انك تعمل نايم علشان نسرق الجمعيه ..فقالت بقدونس ..جاى تسرق الجمعيه يا حفيد حكمدار قسم شبرا ...و هنا انفجر رشوان و اشهر مسدسه فى وجه كومبليشن ...جاى تسرق الجمعيه و بتتهمنى انى متفق معاك...و جايب واحده كمان انت جاى تسرق و لا جاى تعمل ايه فهمنى ...انا مش هاسيبك انت و اللى معاك الا فى القسم ...يا خربيتك يا ونش انت رجعت تنسي ثانى الله يا خربيت الزهايمر انا عارفه الزهايمر ده رمرم كده ليه ..بيجى اللى الناس الاغنياء بس ...واحده كان متجوزها اظاهر ما استحملتهوش ...قام من النوم لاقها هربت ..فدماغه هربت منه كده زى ما انت شايف ..فقال له كومبليشن ...روح يا رشوان حط رجلك فى مياه و ملح هتفتكر كل حاجه بلاش دور البطل اللى انت عايش فيه ...فقالت بقدونس ..مياه و ملح ايه ده عنده مرض بينسي كل حاجه ..فقال كومبليشن ..صدق الحكيم فتش عن النسوان ..فردت ابحث عن المرأه يا جاهل ..انا معايا ثانويه ازهريه قديمه زى ماجستير يا حفيد حكمدار قسم شبرا ...الله يخرب بيتك يا قهوجي الكلب قالى ان عنده زهايمر لان كعب رجله بيوجعه من كثر اكل الفول ..انا مش عارف يعنى زهايمر وتقولى الماجستير ..ده قبل الاكل و لا بعد الاكل يا بقدونس ...يا بنى الزهايمر ده مرض بينسي رشوان فيه كل حاجه ....و انا اقول قلب شيخ الازهر كده ليه ....طب و بعيدين ...و تجمع اصدقائه ووجدوا رشوان يرفع مسدسه فى وجه كومبليشن ....و قالوا له ان الجمعيه مافيش فيها اى فلوس ....فقال رشوان اقف عندك انت و هو و اللى هيتحرك هاقتل كومبليشن بتاعكوا ده .....و اخرج الشباب المسدس الذي كان معهم و قالوا له الرصاصه اللى هتخرجها ..بعد ثانيتين هتكون فى رصاصه فى دماغك ....اهداء يا رشوان ....انت مش متفق معاه يا كومبليشن ...طلع عنده زهايمر و نسي كل حاجه ....طول ما انت مركز مع النسوان هتضيع نفسك و هتضيعنا معاك ..وما لاقتش غير بقدونس ..

script async src="https://pagead2.googlesyndication.com/pagead/js/adsbygoogle.js?client=ca-pub-7519727374201004"

crossorigin="anonymous"></script

فردت ...احترم نفسك انا بدفع لرشوان ١٢٠٠ ج فى الشهر ايجار غرفه هنا فى الجمعيه ....فقالوا لرشوان انت عامل الجمعيه لوكنده بتأجرها مفروش ...فقال رشوان اخرس انا اول مرة اشوفها فى حياتى ....فردت يا رشوان افتكر ابوس ايديك .

فقال احدهم فى حد عارف الموضوع ده يا بقدونس ..الاستاذ حمدى محاسب الجمعيه ....اتصلى بي فورا لانه ممكن يقتل كومبليشن او يسلمنا للبوليس ...فردت هو ده اللى انا عايزها بس هاتصل بيه علشان سمعتى و الشوشرة ...و جاء الاستاذ حمدى و فكر رشوان بأيجار غرفه بقدونس ...و قال للشباب انتو حراميه فشله ده اخر مكان تفكروا تسرقوه ..لان التبرعات بتدخل فى حساب البنك بتاع الجمعيه ...و مافيش و لا جنيه هنا ....

انتهت القصه و لكن تأثير المخدرات على المجتمع لن ينتهى ..script async src="https://pagead2.googlesyndication.com/pagead/js/adsbygoogle.js?client=ca-pub-7519727374201004"

crossorigin="anonymous"></script

.

.

 ..